НАВІНЫ ПІНСКАЙ ДЫЯЦЭЗІІ

Біскуп Андрэй Зноска наведаў Смалявічы

Дапаможны Біскуп
16 лютага дапаможны біскуп Пінскай дыяцэзіі Андрэй Зноска наведаў у Смалявічах (Мінска-Магілёўская архідыяцэзія) парафіяльную супольнасць адзінага ў Беларусі касцёла св. Валянціна, Біскупа і Мучаніка.

Душпастырства ў гэтай парафіі ажыццяўляюць Браты Меншыя Капуцыны. Парафіяльнае свята злучыла вернікаў з розных куткоў нашай Айчыны.

У прамоўленым казанні іерарх заахвочваў вернікаў несці адказнасць не толькі за бачную святыню, якую яны відавочна любяць, але перад усім будаваць Божы лад на зямлі, які складаецца часамі з дробных і незаўважальных учынкаў.

Пасля Літургіі малодшыя парафіяне паказалі змястоўны музычны спектакль пра жыццё св. Валянціна.