Пінская дыяцэзія
Рымска-каталіцкага Касцёла ў Рэспубліцы Беларусь
Арганны фестываль
Ars Magna Organi
(25.V.2025 – 28.IX.2025)
У 2025 годзе у рамках Фестываля 40 канцэртаў для аргана сола і 28 ансамблевых канцэртаў з арганам будуць размеркаваны наступным:
23 канцэрты арганнай і камернай музыкі пройдуць з 25 мая па 28 верасня ў Пінскім Катэдральным касцёле на другім па велічыні гістарычным аргане Беларусі 1836/1935 года пабудовы.
У Пінску (традыцыйнае ядро Фестывалю) адбудзецца 19 сольных арганных канцэртаў і 4 канцэрты камерных аркестраў/ансамбляў.
У Пінску арганізатарамі фестываля ўжо пяты раз выступаюць Курыя Пінскай дыяцэзіі і Пінскі гарадскі выканаўчы камітэт.
23 канцэрты арганнай і камернай музыкі пройдуць з 25 мая па 28 верасня ў Пінскім Катэдральным касцёле на другім па велічыні гістарычным аргане Беларусі 1836/1935 года пабудовы.
У Пінску (традыцыйнае ядро Фестывалю) адбудзецца 19 сольных арганных канцэртаў і 4 канцэрты камерных аркестраў/ансамбляў.
У Пінску арганізатарамі фестываля ўжо пяты раз выступаюць Курыя Пінскай дыяцэзіі і Пінскі гарадскі выканаўчы камітэт.
15 канцэртаў арганнай музыкі пройдуць з 14 чэрвеня па 20 верасня ў касцёле Св. Тройцы ў Ружанах на барочным аргане сярэдзіны XVIII - канца XIX стагоддзяў, адзіным у краіне барочным аргане, на якім сёлета можна пачуць кацэрты высокай акадэмічнай музыкі. Акрамя сольных канцэртаў 12 арганістаў тут адбудуцца 2 кацэрты ўдзельнікаў арганных майстар-классаў барочнай музыкі і адзін ансамблевы канцэрт. Арганізатары – Курыя Пінскай дыяцэзіі і Пружанскі раённы выканаўчы камітэт.
7 сольных арганных канцэртаў адбудуцца з 15 чэрвеня па 14 верасня ў вёсцы Мядзведзічы Ляхавіцкага раёна. Яны будуць выкананы на рамантычным аргане 1912 года віленскага майстра Пятра Вайцяховіча. Арганізатарамі чацвёрты раз выступаюць Курыя Пінскай дыяцэзіі і Ляхавіцкі раённы выканаўчы камітэт.
8 канцэртаў акадэмічнай ансамблевай музыкі пройдуць з 31 мая па 13 верасня ў касцёле Св. Міхаіла Арханёла ў Навагрудку на гістарычным аргане канца XIX стагоддзя. Арганізатар – Навагрудскі раённы выканаўчы камітэт.
5 ансамблевых канцэртаў з невялікім сучасным арганам пройдуць у касцёле Святых Апосталаў Пятра і Паўла ў Лагішыне з 26 ліпеня па 20 верасня. Арганізатар – Курыя Пінскай дыяцэзіі і Пінскі раённы выканаўчы камітэт.
6 ансамблевых канцэртаў з электраарганам пройдуць у касцёле Узвышэння Святога Крыжа ў Іванава (Палескім) з 29 чэрвеня па 14 верасня. Арганізатар – Курыя Пінскай дыяцэзіі і Іванаўскі раённы выканаўчы камітэт.
4 канцэрты акадэмічнай ансамблевай музыкі пройдуць з 28 чэрвеня па 15 жніўня ў касцёле Святых апосталаў Пятра і Паўла ў Іўі на гістарычным аргане Фрыдрыха Вайсэнборна 1899 года . Арганізатар - Іўеўскі раённы выканаўчы камітэт.
Арганны фестываль Ars Magna Organi (25.V.2025 – 28.IX.2025)
Сталай практыкай Фестываля стала правядзенне Арганнай Акадэміі. Сёлета яна будзе доўжыцца два тыдні (з 27 ліпеня па 10 жніўня) і пройдзе на двух значных для краіны гістарычных арганах: рамантычным аргане ў Пінску і барочным аргане ў Ружанах.
Арганны фестываль Ars Magna Organi (25.V.2025 – 28.IX.2025)
Педагогамі Арганнай Акадэміі выступяць дацэнт Дэбрэцэнскага ўніверсітэта хабілітаваны доктар Дзюла Сіладз’і (Венгрыя); дацэнт Універсітэта імя Іштвана Сечэні ў горадзе Дзьёр хабілітаваны доктар Моніка Кечкес (Венгрыя); дацэнт Вышэйшай школы музыкі ў Любеке Сяргей Чарапанаў (Расія / Германія). Адным з адукацыйных трэкаў Акадэміі будзе з’яўляцца вывучэнне Іберыйскай барочнай арганнай музыкі; гэты трэк будзе складацца з лекцый, канцэрта-лекцыі, майстар-класаў, тэматычных канцэртаў удзельнікаў майстар-класаў. Настаўнікі Акадэміі выканаюць 7 сольных канцэртаў, а студэнты – яшчэ 5.