Пінская дыяцэзія
Рымска-каталіцкага Касцёла ў РБ

Пінская дыяцэзія

Рымска-каталіцкага Касцёла ў Рэспубліцы Беларусь

Кантакты
Ахвяраваць
Ru
en
Пінская дыяцэзія
Рымска-каталіцкага Касцёла ў Беларусі
КАНТАКТЫ
АХВЯРАВАЦЬ
Ru
en

У Іванаве адбыўся фэст
Святога Андрэя Баболі



17 мая ў Іванаве з удзелам біскупаў, святароў і вернікаў са шматлікіх парафій Пінскай дыяцэзіі адбыўся фэст у гонар святога Андрэя Баболі – нябеснага Заступніка Пінскай дыяцэзіі.
Урачыстасць распачалася з традыцыйнай малітоўнай працэсіі шляхам мучаніцтва святога: ад мемарыяла “Крыжы Адзінства” да касцёла-санктуарыя.
Святую Імшу з нагоды ўрачыстасці ўзначаліў Біскуп Пінскі Антоні Дзям’янка. Разам з ім Найсвяцейшую Эўхарыстыю цэлебраваў Дапаможны Біскуп Пінскі Андрэй Зноска, Біскуп Эмерыт Казімір Велікаселец ОР, святары рыма-каталіцкага і грэка-каталіцкага абрадаў.
Гамілію да сабраных на літургіі скіраваў Біскуп Андрэй Зноска. Іерарх заахвоціў вернікаў наследаваць евангелізацыйны запал святога Андрэя Баболі, моцна трываць у веры, быць удзячнымі Богу за Яго шматлікія дары і ласкі.

На завяршэнне святой Імшы ўсе сабраныя павіншавалі Біскупа Казіміра Велікасельца ОР з нагоды 80-га Дня нараджэння, пажадалі яму і надалей рупліва і ў добрым здароўі плённа служыць Хрыстоваму Касцёлу.

Пасля заканчэння літургіі кожны жадаючы вернік меў магчымасць у асабістай малітве ўшанаваць рэліквіі святога Андрэя Баболі, якія захоўваюцца ў іванаўскім касцёле-санктуарыі.

Сапраўдным падарункам для ўдзельнікаў фэсту стала неафіцыйная частка свята, падчас якой адбыўся канцэрт арганнай музыкі з удзелам квартэту саксафонаў "SAXAS".

На заканчэнне фэсту кусташ санктуарыя Святога Андрэя Баболі ксёндз Павел Кручэк падзякаваў біскупам, святарам, вернікам, якія дапамагалі ў арганізацыі ўрачыстасці, велічнага арганннага канцэрта і запрасіў наведваць санктуарый, каб атрымліваць шчодрыя Божыя ласкі праз заступніцтва нябеснага апекуна Палесся.


17.05.2025 г.