ДЗЕНЬ БЕДНЫХ
"Самая цяжкая форма беднасці - не ведаць Бога. Як пісаў Папа Францішак у Апостальскім настаўленні "Evangelii Gaudium»: "самая цяжкая форма дыскрымінацыі, ад якой пакутуюць бедныя, — гэта адсутнасць духоўнага клопату. Пераважная большасць бедных асабліва адкрыта веры; яны маюць патрэбу ў Богу, і мы не павінны губляць магчымасць прапанаваць ім Яго сяброўства, Яго благслаўленне, Яго Слова, здзяйсненне сакрамэнтаў і шлях росту і сталасці ў веры» (№ 2000)."
"Бедныя ... нашы умілаваныя браты і сёстры, бо сваім жыццём, словам і мудрасцю яны знаёмяць нас з ісцінай Евангелля. Святкаванне Сусветнага дня бедных заклікана нагадаць нашым супольнасцям, што бедныя знаходзяцца ў цэнтры ўсёй нашай пастырскай дзейнасці. Гэта тычыцца не толькі дабрачыннай дзейнасці Касцёла, але і паслання, якое яна праслаўляе і абвяшчае. Бог узяў на сябе іх беднасць, каб ўзбагаціць нас праз іх галасы, іх гісторыі і іх твары."
Святую Імшу ў інтэнцыі бедных, самотных і беспрацоўных цэлебраваў пробашч парафіі а. Конрад Патыка SVD.
Пасля сумеснай малітвы быў наладжаны пачастунак для патрабуючых і гасцей пад вясёлыя спевы народнага ансамбля з аг. Мірны.
Спадзяемся, што гэты благаслаўлёны час, праведзены разам, усмешкі і прыязныя позіркі падтрымаюць годнасць гэтых самых слабых, часта зусім выключаных з грамадства, людзей і дапамогуць ім распачаць нанова, не губляючы надзеі, так патрэбнай кожнаму чалавеку.
Тэкст: с. Лена Міхалковіч MSF
