НАВІНЫ ПІНСКАЙ ДЫЯЦЭЗІІ

У Іванаве ўшанавалі памяць ксяндза прэлата Вітальда Івіцкага

22 студзеня ў г. Іванава адбылося ўшанаванне памяці ксяндза прэлата Вітальда Івіцкага (1884-1943), які быў расстраляны гітлераўцамі на ўскраіне гэтага мястэчка разам з закладнікамі – гараджанамі Пінска – 22 студзеня 1943 г. З гэтай нагоды Іванава наведаў з пастырскім візітам біскуп Пінскі Антоні Дзям’янка.

Перад пачаткам набажэнства ў мясцовым парафіяльным касцёле Узвышэння Святога Крыжа іерарх

наведаў месца расстрэлу і пахавання святара і іншых ахвяраў ІІ Сусветнай вайны.

Падчас Святой Імшы біскуп Антоні нагадаў вернікам пра жыццёвы шлях ксяндза прэлата Вітальда Івіцкага, які быў бліжэйшым супрацоўнікам перашага біскупа Пінскай дыяцэзіі Слугі Божага Зыгмунта Лазінскага. Ён таксама быў першым рэктарам Пінскай вышэйшай духоўнай семінарыі. Падчас карнай аперацыі гітлераўцаў ахвяраваў сваё жыццё дзеля ратавання іншых жыхароў г. Пінска. Разам з 38 закладнікамі быў вывезены з Пінска і расстраляны ў г. Іванава. На месцы расстрэлу і пахавання ахвяраў вайны у пасляваенны час быў узнесены мемарыял.
На завяршэнне літургіі біскуп разам са святарамі і вернікамі памаліўся за ўсіх памерлых святароў, якія служылі ў Пінскай дыяцэзіі, а таксама заахвоціў сабраных маліцца аб новых пакліканнях да Божай службы.
2025-01-22 01:35 Падзеі ў Дыяцэзіі Біскуп Пінскі