Адыйшоў у вечнасць спадар Аляксандр Федковіч, які ў свой час быў дырэктарам Лагішынскага Дому Міласэрнасці.
К А М У Н І К А Т
У нядзелю, 6 ліпеня 2025 году, пасля ўдзелу ў Святой Імшы ў пінскім касцёле Святога Бэнэдыкта, на 62-ім годзе жыцця, у сваім доме, адыйшоў у вечнасць спадар Аляксандр Федковіч, які ў свой час быў дырэктарам Лагішынскага Дому Міласэрнасці, заснаваным і збудаваным Айцамі Арыяністамі (Кангрэгацыя Малой Справы Божага Провіду), пры дзейснай падтрымцы Ксяндза Кардынала Казіміра Свёнтка. За перыяд ягонага кіравання Домам Міласэрнасці ў якасці дарэктара была закончана будоўля, наладжана праца, і прытулак год за годам прымаў патрабуючых асобаў. У сценах гэтага Дому знайшлі апеку адзінокія і самотныя асобы .
За руплівасць і заслугі ў галіне харытатыўнай дзейнасці спачылы спадар Аляксандар атрымаў Узнагароду за духоўнае адраджэнне.
Пахавальная Святая Імша ў інтэнцыі спачылага Аляксандра адбудзецца 8 ліпеня а 12.00 гадзіне ў касцёле ў Лагішыне. Давяраем душу памерлага Міласэрнасці Бога, верым, што за ўчыненае дабро на зямлі ён знойдзе ў доме Міласэрнага Айца вечны прытулак і супакой.
Вечны адпачынак дай яму, Пане, А святло вечнае няхай яму свеціць. Няхай адпачывае ў супакоі вечным. Амэн.