21-23 сакавіка вернікі Парафіі Найсвяцейшай Тройцы ў мястэчку Індура каля Гродна правялі на рэкалекцыях разам з біскупам Андрэем з Пінска.
У 1980-х гадах у Індуры служыў надзвычай заслужаны ксёндз Казімерас Жыліс, сапраўдны літовец, які шчырым сэрцам пакахаў Беларусь і аддаваў усяго сябе ў Божай службе. Біскуп Андрэй у першыя годы святарства працаваў разам з ксяндзом Жылісам у Гродне і стараўся многаму ад яго навучыцца. Цяпер пробашчам гэтай Парафіі з'яўляецца ксёндз Ігар Антоні Анісімаў, сябар біскупа Андрэя яшчэ з семінарыйных часоў, а дапамагае яму ксёндз Антоні Адамовіч.
Індура з'яўляецца адной са старажытнейшых парафій Гродзеншчыны, мае моцныя каталіцкія традыцыі. Ведаючы, што многія вернікі, якія запаўнялі прыгожую прасторную святыню і бралі ўдзел ў рэкалекцыях, прыехалі з Гродна на выходныя дні да бацькоў і дзядоў, малады іерарх звярнуўся да іх са словамі заахвочвання:
Індура з'яўляецца адной са старажытнейшых парафій Гродзеншчыны, мае моцныя каталіцкія традыцыі. Ведаючы, што многія вернікі, якія запаўнялі прыгожую прасторную святыню і бралі ўдзел ў рэкалекцыях, прыехалі з Гродна на выходныя дні да бацькоў і дзядоў, малады іерарх звярнуўся да іх са словамі заахвочвання:
"Помніце пра зямлю, якая вас выгадавала, не забывайцеся пра гэтыя палі і пагоркі, да якіх з маленства прывыклі вашыя вочы, няхай не гасне святло ў хатах, дзе родныя чакаюць вас з дарогі. Бацькаўшчына - гэта дар Божы для кожнага з нас!"
Акрамя прапаведавання Божага Слова на Імшах, біскуп Андрэй праводзіў традыцыйныя набажэнствы Крыжовага шляху і асобныя сустрэчы з удзельнікамі розных малітоўных груп у Парафіі. Асабліва кранальнымі былі сустрэчы на Эўхарыстыі з вернікамі ў капліцы ў Плябанаўцах, многія з якіх маюць ўжо вялікія годы, але лічаць за гонар і шчасце сабрацца з сіламі і прыйсці на Імшу.
