Да вернікаў Пінскай дыяцэзіі
Паважаныя святары, кансэкраваныя асобы, умілаваныя ў Хрысце браты і сёстры!
Адзначаючы разам з Паўсюдным Касцёлам Звычайны Юбілей Святога 2025 года, а таксама сотую гадавіну з даты заснавання Пінскай дыяцэзіі, хачу запрасіць усіх вас на радасную ўрачыстасць 200-годдзя з даты кансэкрацыі касцёла Перамянення Пана ў мястэчку Новая Мыш каля Баранавічаў, якую будзем адзначаць у суботу 16 жніўня падчас святой Імшы а 12.00 гадзіне у гэтай старадаўняй святыні.
Парафіяльная святыня ў Новай Мышы з’яўляецца сведкам вельмі багатай і драматычнай гісторыі Каталіцкага Касцёла на нашай зямлі. Яна была пабудавана на пачатку 19 ст. замест старога драўлянага касцёла збудаванага ў 1630-я гады. Пасвячэнне новай святыні адбылося у 1825 г. пад тытулам Перамянення Пана.
Навамышскі касцёл знакаміты сваім багатым сакральным інтэр’ерам, аснову якога складаюць пяць велічных пазалочаных алтароў эпохі барока. Элементы гэтых алтароў і іх аздаблення былі часткова перададзеныя ў мясцовую святыню ў канцы 19 ст. з зачыненага касцёла сясцёр бэнэдыктынак з Нясвіжа.
Бясцэнным духоўным скарбам навамышскага касцёла з’яўляецца захаваная тут цудоўная выява Маці Божай Бялыніцкай, якая як ў мінулыя стагоддзі, так і сёння збірае шматлікіх вернікаў прыходзячых да Найсвяцейшай Панны з просьбамі аб заступніцкай малітве да Бога.
Навамышскі касцёл – гэта не толькі вялікая духоўная спадчына, шэдэўры сакральнага мастацтва і вялікай каталіцкай культуры. Перадусім гэта людзі: святары, кансэкраваныя асобы і свецкія вернікі, якія пісалі слаўную гісторыю гэтай мясцовасці і парафіі.
Па сённяшні дзень жыве памяць пра ксяндза Альфонса Алешчука, які быў пробашчам навамышскай парафіі на пачатку 20 ст. Ён быў настолькі адданым душпастырам, што амаль праз сто гадоў пасля яго смерці вернікі з пакалення ў пакаленне захоўваюць памяць і не перастаюць узносіць да Бога ўдзячную малітву за свайго былога пробашча. Гэты святар вядомы таксама тым, што ён быў духоўным кіраўніком будучага святара і кардынала Казіміра Свёнтка. Пад духоўнай апекай ксяндза Альфонса Алешчука будучы кардынал як семінарыст часта і ахвотна маліўся ў навамышскім касцёле, асабліва ўдзельнічаючы з вернікамі на набажэнствах да святога Антонія Падуанскага, якога вельмі любяць і ўшаноўваюць мясцовыя католікі.
У 200-ую гадавіну з даты пасвячэння навамышскага касцёла жадаем дзякаваць Міласэрнаму Богу за духоўных і свецкіх асобаў, якія захавалі парафіяльны касцёл у часы Другой сусветнай вайны і ў пазнейшыя часы атэізма. Памятаем у малітве пра тых душпастыраў, якія тут служылі і панеслі мучаніцкую смерць ад рук нацыстаў у часы Другой сусветнай вайны. Ва ўдзячнай малітве ўзгадваем ксяндза Станіслава Рагоўскага і ксяндза інфулата Вацлава Пянткоўскага, якія апекаваліся парафіяй у другой палове 20 ст. Памятаем у малітве пра пробашчаў, якія тут служылі ў апошнія дзесяцігоддзі: ксяндза Рышрда Юніка, ксяндза Валянціна Новака, які тут служыў на працягу 25 гадоў, правёў грунтоўныя рэнавацыйныя і аднаўленчыя працы ў касцёле, пабудаваў новы парафіяльны дом. Дзякуем Богу за ахвярнае служэнне ў парафіі ксяндзу Паўлу Врубелю, цяперашняму пробашчу – ксяндзу Алегу Сількевічу.
Дарагія браты і сёстры! Не пераставайма дзякаваць Пану Богу за дар адраджэння Касцёла на нашай зямлі. Асабліва ў гэты Юбілейны год жадаем памятаць у малітве пра ўсіх духоўных, кансэкраваных і свецкіх асобаў.
Запрашаю ўсіх вас на радасную ўрачыстасць 200-годдзя з даты пасвячэння касцёла ў Новай Мышы. Няхай нашая сумесная малітва 16 жніўня прычыніцца да духоўнага ўзбагачэння і далейшага развіцця парафіяльных супольнасцей Пінскай дыяцэзіі.
З пастырскім благаслаўленнем,
Пінск, 6 жніўня 2025 г.
Паважаныя святары, кансэкраваныя асобы, умілаваныя ў Хрысце браты і сёстры!
Адзначаючы разам з Паўсюдным Касцёлам Звычайны Юбілей Святога 2025 года, а таксама сотую гадавіну з даты заснавання Пінскай дыяцэзіі, хачу запрасіць усіх вас на радасную ўрачыстасць 200-годдзя з даты кансэкрацыі касцёла Перамянення Пана ў мястэчку Новая Мыш каля Баранавічаў, якую будзем адзначаць у суботу 16 жніўня падчас святой Імшы а 12.00 гадзіне у гэтай старадаўняй святыні.
Парафіяльная святыня ў Новай Мышы з’яўляецца сведкам вельмі багатай і драматычнай гісторыі Каталіцкага Касцёла на нашай зямлі. Яна была пабудавана на пачатку 19 ст. замест старога драўлянага касцёла збудаванага ў 1630-я гады. Пасвячэнне новай святыні адбылося у 1825 г. пад тытулам Перамянення Пана.
Навамышскі касцёл знакаміты сваім багатым сакральным інтэр’ерам, аснову якога складаюць пяць велічных пазалочаных алтароў эпохі барока. Элементы гэтых алтароў і іх аздаблення былі часткова перададзеныя ў мясцовую святыню ў канцы 19 ст. з зачыненага касцёла сясцёр бэнэдыктынак з Нясвіжа.
Бясцэнным духоўным скарбам навамышскага касцёла з’яўляецца захаваная тут цудоўная выява Маці Божай Бялыніцкай, якая як ў мінулыя стагоддзі, так і сёння збірае шматлікіх вернікаў прыходзячых да Найсвяцейшай Панны з просьбамі аб заступніцкай малітве да Бога.
Навамышскі касцёл – гэта не толькі вялікая духоўная спадчына, шэдэўры сакральнага мастацтва і вялікай каталіцкай культуры. Перадусім гэта людзі: святары, кансэкраваныя асобы і свецкія вернікі, якія пісалі слаўную гісторыю гэтай мясцовасці і парафіі.
Па сённяшні дзень жыве памяць пра ксяндза Альфонса Алешчука, які быў пробашчам навамышскай парафіі на пачатку 20 ст. Ён быў настолькі адданым душпастырам, што амаль праз сто гадоў пасля яго смерці вернікі з пакалення ў пакаленне захоўваюць памяць і не перастаюць узносіць да Бога ўдзячную малітву за свайго былога пробашча. Гэты святар вядомы таксама тым, што ён быў духоўным кіраўніком будучага святара і кардынала Казіміра Свёнтка. Пад духоўнай апекай ксяндза Альфонса Алешчука будучы кардынал як семінарыст часта і ахвотна маліўся ў навамышскім касцёле, асабліва ўдзельнічаючы з вернікамі на набажэнствах да святога Антонія Падуанскага, якога вельмі любяць і ўшаноўваюць мясцовыя католікі.
У 200-ую гадавіну з даты пасвячэння навамышскага касцёла жадаем дзякаваць Міласэрнаму Богу за духоўных і свецкіх асобаў, якія захавалі парафіяльны касцёл у часы Другой сусветнай вайны і ў пазнейшыя часы атэізма. Памятаем у малітве пра тых душпастыраў, якія тут служылі і панеслі мучаніцкую смерць ад рук нацыстаў у часы Другой сусветнай вайны. Ва ўдзячнай малітве ўзгадваем ксяндза Станіслава Рагоўскага і ксяндза інфулата Вацлава Пянткоўскага, якія апекаваліся парафіяй у другой палове 20 ст. Памятаем у малітве пра пробашчаў, якія тут служылі ў апошнія дзесяцігоддзі: ксяндза Рышрда Юніка, ксяндза Валянціна Новака, які тут служыў на працягу 25 гадоў, правёў грунтоўныя рэнавацыйныя і аднаўленчыя працы ў касцёле, пабудаваў новы парафіяльны дом. Дзякуем Богу за ахвярнае служэнне ў парафіі ксяндзу Паўлу Врубелю, цяперашняму пробашчу – ксяндзу Алегу Сількевічу.
Дарагія браты і сёстры! Не пераставайма дзякаваць Пану Богу за дар адраджэння Касцёла на нашай зямлі. Асабліва ў гэты Юбілейны год жадаем памятаць у малітве пра ўсіх духоўных, кансэкраваных і свецкіх асобаў.
Запрашаю ўсіх вас на радасную ўрачыстасць 200-годдзя з даты пасвячэння касцёла ў Новай Мышы. Няхай нашая сумесная малітва 16 жніўня прычыніцца да духоўнага ўзбагачэння і далейшага развіцця парафіяльных супольнасцей Пінскай дыяцэзіі.
З пастырскім благаслаўленнем,
+ Антоні Дзям’янка
Біскуп Пінскі
Пінск, 6 жніўня 2025 г.
