У Пінску ўшанавалі памяць Біскупа Зыгмунта Лазінскага

Літургію цэлебраваў канцлер курыі Пінскай дыяцэзіі ксёндз Андрэй Рылка разам з архімандрытам Сяргеем Гаекам.

Пасля заканчэння святой Імшы адбылася традыцыйная супольная малітва вернікаў каля труны Слугі Божага біскупа Зыгмунта, які пахаваны ў крыпце катэральнага касцёла каля алтара Маці Божай Вастрабрамскай.

Сабраныя вернікі маліліся аб патрэбных Божых ласках пацверджаных заступніцтвам біскупа Лазінскага, асабліва выпрошваючы ў Пана дар далучэння гэтага вялікага і руплівага пастыра Палесся да ліку благаслаўлёных Каталіцкага Касцёла.