Пінская дыяцэзія
Рымска-каталіцкага Касцёла ў Рэспубліцы Беларусь
ЗВЕСТКІ АБ ДЫЯЦЭЗІІ
Каталіцкі Касцёл на тэрыторыі сучаснай Пінскай дыяцэзіі прысутнічае ўжо больш за тысячу гадоў. Асобная дыяцэзія з цэнтрам у Пінску была ўтвораная пасля Першай сусветнай вайны. Папа Пій ХІ булай “Vixdum Poloniae unitas” ад 28 кастрычніка 1925 г. стварыў для рыма-католікаў дыяцэзію, вылучыўшы яе з тэрыторый, якія раней прыналежалі да Магілёўскай мітраполіі: Мінскай, Віленскай, Луцкай дыяцэзій.
Новая дыяцэзія з цэнтрам у Пінску ўваходзіла ў той час у склад Віленскай мітраполіі. Яе тэрыторыя складала 50 424 кв. км. На момант узнікнення Пінская дыяцэзія складалася з 15 дэканатаў: Пінскага, Баранавіцкага, Бельскага, Браньскага, Брэсцкага, Драгічынскага, Івянецкага, Кобрынскага, Ляхавіцкага, Лунінецкага, Нясвіжскага, Навагрудскага, Пружанскага, Сталовіцкага і Стаўбцоўскага. Крыху пазней з’явіліся Цеханавецкі і Косаўскі дэканаты, а ў 1935 і 1938 гг. – яшчэ два: у Янаве Палескім і Століне.
Першым ардынарыем Пінскай дыяцэзіі быў прызначаны біскуп Зыгмунт Лазінскі (†1932 г.). Ён адыграў ключавую ролю ў стварэнні базавых умоў, неабходных для дынамічнага развіцця дыяцэзіі. Пасля смерці Слугі Божага біскупа Зыгмунта Лазінскага новым ардынарыем дыяцэзіі быў прызначаны біскуп Казімір Букраба (†1946 г.), а яго дапаможным біскупам – біскуп Караль Няміра (†1965 г.). У савецкія часы клопат аб Пінскай дыяцэзіі ў межах БССР быў ускладзены на ксяндза-інфулата Вацлава Пянткоўскага (†1991 г.), які выконваў функцыю генеральнага вікарыя з 1946 да 1989 г.
З адраджэннем рэлігійнага жыцця ў Беларусі ў канцы 1980-х – пачатку 1990-х гг. пачаўся новы этап у гісторыі мясцовага Касцёла. Была здзейснена рэарганізацыя Пінскай дыяцэзіі. Сучасная Пінская дыяцэзія ляжыць у межахБрэсцкай і Гомельскай абласцей. Яе актуальная плошча складае 72 700 кв. км. У склад дыяцэзіі цяпер уваходзяць дзевяць дэканатаў: Брэсцкі, Кобрынскі, Пружанскі, Навамышскі, Баранавіцкі, Ляхавіцкі, Пінскі, Мазырскі і Гомельскі.
З 1991 па 2011 г. Апостальскім Адміністратарам Пінскай дыяцэзіі быў Кардынал Казімір Свёнтэк. Ён аднавіў і пабудаваў у дыяцэзіі многія касцёлы і капліцы. Пры ім былі ўзноўленыя старыя і паўсталі новыя парафіі.
У 2011–2012 гг. Апостальскім Адміністратарам Пінскай дыяцэзіі з’яўляўся арцыбіскуп Тадэвуш Кандрусевіч.
3 мая 2012 г. Папа Бэнэдыкт ХVI прызначыў дыяцэзіяльным Біскупам Пінскім Яго Эксцэленцыю біскупа Антонія Дзям’янку, які служыць у дыяцэзіі па сённяшні дзень. З 1999 г. па 2024 г. Дапаможным Біскупам Пінскай дыяцэзіі быў Яго Эксцэленцыя біскуп Казімір Велікаселец OP.
19 ліпеня 2024 г. Папа Францішак прызначыў новага Дапаможнага Біскупа Пінскай дыяцэзіі, якім стаў Яго Эксцэленцыя біскуп Андрэй Зноска. Біскуп Андрэй з’яўляецца таксама Генеральным вікарыем Пінскай дыяцэзіі.
10 кастрычніка 2024 г. Папа Францішак прыняў адстаўку біскупа Казіміра Велікасельца ОР як дапаможнага біскупа Пінскай дыяцэзіі. Адгэтуль біскуп Казімір з’яўляецца біскупам-эмерытам (біскупам на пенсіі).
Новая дыяцэзія з цэнтрам у Пінску ўваходзіла ў той час у склад Віленскай мітраполіі. Яе тэрыторыя складала 50 424 кв. км. На момант узнікнення Пінская дыяцэзія складалася з 15 дэканатаў: Пінскага, Баранавіцкага, Бельскага, Браньскага, Брэсцкага, Драгічынскага, Івянецкага, Кобрынскага, Ляхавіцкага, Лунінецкага, Нясвіжскага, Навагрудскага, Пружанскага, Сталовіцкага і Стаўбцоўскага. Крыху пазней з’явіліся Цеханавецкі і Косаўскі дэканаты, а ў 1935 і 1938 гг. – яшчэ два: у Янаве Палескім і Століне.
Першым ардынарыем Пінскай дыяцэзіі быў прызначаны біскуп Зыгмунт Лазінскі (†1932 г.). Ён адыграў ключавую ролю ў стварэнні базавых умоў, неабходных для дынамічнага развіцця дыяцэзіі. Пасля смерці Слугі Божага біскупа Зыгмунта Лазінскага новым ардынарыем дыяцэзіі быў прызначаны біскуп Казімір Букраба (†1946 г.), а яго дапаможным біскупам – біскуп Караль Няміра (†1965 г.). У савецкія часы клопат аб Пінскай дыяцэзіі ў межах БССР быў ускладзены на ксяндза-інфулата Вацлава Пянткоўскага (†1991 г.), які выконваў функцыю генеральнага вікарыя з 1946 да 1989 г.
З адраджэннем рэлігійнага жыцця ў Беларусі ў канцы 1980-х – пачатку 1990-х гг. пачаўся новы этап у гісторыі мясцовага Касцёла. Была здзейснена рэарганізацыя Пінскай дыяцэзіі. Сучасная Пінская дыяцэзія ляжыць у межахБрэсцкай і Гомельскай абласцей. Яе актуальная плошча складае 72 700 кв. км. У склад дыяцэзіі цяпер уваходзяць дзевяць дэканатаў: Брэсцкі, Кобрынскі, Пружанскі, Навамышскі, Баранавіцкі, Ляхавіцкі, Пінскі, Мазырскі і Гомельскі.
З 1991 па 2011 г. Апостальскім Адміністратарам Пінскай дыяцэзіі быў Кардынал Казімір Свёнтэк. Ён аднавіў і пабудаваў у дыяцэзіі многія касцёлы і капліцы. Пры ім былі ўзноўленыя старыя і паўсталі новыя парафіі.
У 2011–2012 гг. Апостальскім Адміністратарам Пінскай дыяцэзіі з’яўляўся арцыбіскуп Тадэвуш Кандрусевіч.
3 мая 2012 г. Папа Бэнэдыкт ХVI прызначыў дыяцэзіяльным Біскупам Пінскім Яго Эксцэленцыю біскупа Антонія Дзям’янку, які служыць у дыяцэзіі па сённяшні дзень. З 1999 г. па 2024 г. Дапаможным Біскупам Пінскай дыяцэзіі быў Яго Эксцэленцыя біскуп Казімір Велікаселец OP.
19 ліпеня 2024 г. Папа Францішак прызначыў новага Дапаможнага Біскупа Пінскай дыяцэзіі, якім стаў Яго Эксцэленцыя біскуп Андрэй Зноска. Біскуп Андрэй з’яўляецца таксама Генеральным вікарыем Пінскай дыяцэзіі.
10 кастрычніка 2024 г. Папа Францішак прыняў адстаўку біскупа Казіміра Велікасельца ОР як дапаможнага біскупа Пінскай дыяцэзіі. Адгэтуль біскуп Казімір з’яўляецца біскупам-эмерытам (біскупам на пенсіі).