Душпастырства моладзі

Пінская дыяцэзія

Рымска-каталіцкага Касцёла ў Рэспубліцы Беларусь

КАНТАКТЫ

адказны

Душпастырства моладзі

Душпастырства моладзі Пінскай дыяцэзіі запрашае маладых юнакоў і дзяўчат да ўдзелу ў разнастайных сустрэчах і падзеях, якія запланаваныя на 2025 г. у межах святкавання 100-годдзя з даты заснавання Пінскай дыяцэзіі і Святога юбілейнага года ў Паўсюдным касцёле.

Падрабязную інфармацыю пра падзеі можна атрымаць напісаўшы на электронную пошту: pinskdioces@gmail.com

з удзелам моладзі арганізаваныя Пінскай дыяцэзіяй у 2025 годзе:

9 мая

Сустрэча моладзі ў Пінску

вул. Леніна 16, г. Пінск

Кожны год перад пешай пілігрымкай Пінск-Лагішын (каля 27 км), у якой удзельнічае шмат моладзі з розных гарадоў і вёсак Пінскай дыяцэзіі і ўсёй Беларусі, праходзіць сустрэча моладзі. У праграме: моладзевая святая Імша, духоўная канферэнцыя на цікавыя тэмы, Адарацыя ў непаўторнай атмасферы катэдральнага касцёла, размовы са святарамі, конкурсы, гульні, сюрпрызы.

10 мая

Пілігрымка Пінск – Лагішын

27 км, 1 дзень

Аднадзённае пешае паломніцтва з пінскай катэдры да санктуарыя Маці Божай Лагішынскай. Пачатак у 8.00, заканчэнне ў Лагішыне святой Імшой а 18.00

17 мая

Фэст святога Андрэя Баболі

г. Іванава

Пілігрымы з розных мясцін прыбываюць у санктуарый гэтага вялікага нябеснага заступніка Пінскай дыяцэзіі, каб разам памаліцца, перажыць акунуцца ў асаблівую духоўную атмасферу іванаўскага санктуарыя.
У праграме: 11.00 – малітоўная працэсія ад месца мучаніцтва святога Андрэя да касцёла, 12.00 – святая Імша ў санктуарыі, пасля літургіі - малітва пры рэлікварыі святога, святочна-забаўляльная праграма каля касцёла.

26 чэрвеня

Пілігрымка Баранавічы – Будслаў

маршрут пілігрымкі - 287 км, 9 дзён

Дзевяцідзённае пешае паломніцтва завершыцца 4 ліпеня ў Будславе (Мядзельскі р-н), дзе 4-5 ліпеня пройдзе традыцыйны Марыйны фэст, прысвечаны Маці Божай – Нябеснай Заступніцы Беларусі.

29 ліпеня

Пілігрымка Новая Мыш – Навагрудак

маршрут пілігрымкі 65 км, 3 дні

29 ліпеня распачнецца пілігрымка Новая Мыш – Навагрудак. Трохдзённае пешае паломніцтва ад касцёла Перамянення Пана ў в. Новая Мыш (Баранавіцкі р-н) да санктуарыя сясцёр-мучаніц у касцёле Перамянення Пана (каля замка) ў Навагрудку завершыцца 31 ліпеня малітоўным чуваннем каля рэліквій благаслаўлёных мучаніц.

5 жніўня

Пілігрымка Баранавічы – Лагішын

маршрут пілігрымкі 120 км, 4 дні

Чатырохдзённае пешае паломніцтва ад касцёла святога Зыгмунта ў Баранавічах да санктуарыя Маці Божай у Лагішыне плануецца з 5 па 8 жніўня. Пілігрымка завершыцца марыйным фэстам, які адбудзецца ў Лагішыне 8-9 жніўня.

5 жніўня

Пілігрымка Бяроза – Лагішын

маршрут пілігрымкі 120 км, 4 дні

Чатырохдзённае пешае паломніцтва ад касцёла Найсвяцейшай Тройцы ў Бярозе да санктуарыя Маці Божай у Лагішыне плануецца з 5 па 8 жніўня. Пілігрымка завершыцца марыйным фэстам, які адбудзецца ў Лагішыне 8-9 жніўня.

8-9 жніўня

Фэст Маці Божай Каралевы Палесся ў Лагішыне

У праграме 8 жніўня:

18.00 – уваход пешых пілігрымак з Баранавічаў і Бярозы ў санктуарый, 22.00 – святая Імша і працэсія са свечкамі вакол санктуарыя, канцэрт праслаўлення, усяночнае малітоўнае чуванне і Адарацыя Хрыста ў Эўхарыстыі каля цудадзейнай іконы Маці Божай.

8-9 жніўня

Фэст Маці Божай Каралевы Палесся ў Лагішыне

У праграме 9 жніўня:

10.00 – урачыстая святая Імша з пілігрымамі каля палявога алтара ля сцен санктуарыя.

25 кастрычніка

святкаванне 100-годдзя Пінскай дыяцэзіі

У Пінскім катэдральным касцёле

У праграме: экскурсіі і знаёмства з гісторыяй дыяцэзіі, канцэрт арганнай музыкі, 11.00 – святая Імша з удзелам біскупаў, святочная праграма для гасцей урачыстасці.

29 лістапада

Сустрэча і малітоўнае чуванне моладзі

У касцёле Узвышэння Святога Крыжа ў Брэсце

У праграме: моладзевая святая Імша, духоўная канферэнцыя на цікавыя тэмы, Адарацыя ў непаўторнай атмасферы касцёла, размовы са святарамі, конкурсы, гульні, сюрпрызы.

Падрабязней