Пінская дыяцэзія

Рымска-каталіцкага Касцёла ў Рэспубліцы Беларусь

КАНТАКТЫ
Ru
en
навучальная ўстанова
Катэхетычны каледж імя Зыгмунта Лазінскага
першая ў Беларусі каталіцкая навучальная ўстанова для свецкіх
Катэхетычны каледж імя Зыгмунта Лазінскага

Кантакты

Храналогія


Катэхетычны каледж імя Зыгмунта Лазінскага — гэта першая ў Беларусі каталіцкая навучальная ўстанова для свецкіх асобаў. 3 кастрычніка 2009 г., дзякуючы сумесным намаганням Яго Эмінэнцыі Кардынала Казіміра Свёнтэка, Апостальскага Адміністратара Пінскай дыяцэзіі, манаскай Супольнасці Божага Слова і мясцовых святароў кс. Алега Сількевіча і кс. Андрэя Рылкі, якія ўзяліся за непасрэдную арганізацыю дзейнасці навучальнай установы, у Баранавічах адбылося ўрачыстае адкрыццё Катэхетычнага каледжа імя Зыгмунта Лазінскага.

Урачыстае адкрыццё ўстановы здзейсніў Кардынал Казімір Свёнтэк. Звяртаючыся да сабраных на інаўгурацыі ён адзначыў, што Катэхетычны каледж — гэта магчымасць не толькі пашыраць свае тэалагічныя веды, увайсці ў больш цесны кантакт з Богам, але таксама навучыцца дзяліцца гэтымі ведамі і верай з іншымі.

З самага пачатку існавання каледжа пачалі складвацца яго шматлікія традыцыі: перадкаляднае аплаткавае спатканне са святочнай праграмай, вечарыны спатканняў і гутарак з цікавымі і знакамітымі асобамі, карнавальныя сяткаванні перад Вялікім Пастом, сумесныя спевы, малітвы, набажэнствы ў капліцы каледжа.

Адметнасцю Баранавіцкага катэхетычнага каледжа з’яўляюцца шматлікія навукова-практычныя тэалагічныя семінары і канферэнцыі. Сярод іх варта назваць хаця б некаторыя, якія паказваюць шырокі спектр актуальных і хвалюючых тэмаў, якія абмяркоўвацца адкрыта і з удзелам усіх жадаючых. Гэта сімпозіум на тэму: “Секты і спасобы іх дзеяння ў сучасным свеце” (2011 г.), міжнародны семінар «Евангелізацыя і новыя сродкі камунікацый» (2012 г.), сімпозіум «Хрысціянская тэматыка ў свецкіх СМІ» (2013 г.), навуковая канферэнцыя пад тытулам «Біблія — кніга Бога ці чалавека?» (2014 г.), сімпозіум «Сексуальнасць: ад Бібліі да псіхалогіі» (2015 г.), «Чаму наркотыкі?» (2016 г.), адмысовыя курсы для сямейных дарадчыкаў пад назвай «Тэрапія, сканцэнтраваная на вырашэнні» (2017 г.), майстар-клас па бібліядраме як спосабе катэхізацыі і евангелізацыі (2022 г.), катэхетычны майстар-клас “Інтэграцыя праз гульні” (2023 г.) і шмат іншых.

На сённяшні дзень Катэхетычны каледж мае 4 кірункі спецыялізацыі:

  • катэхетыка,
  • агульная тэалогія,
  • сямейнае кансультаванне,
  • кансультаванне ў галіне залежнасцей.

Навучальнаая праграма каледжа адпавядае ўсім акадэмічным патрабаванням тэалагічных факультэтаў вышэшых навучальных устаноў падобнага тыпу.

Студэнты вывучаюць: 31 прадмет у катэхетаў і 35 – у сямейных кансультантаў. З іх 2/3 складаюць тэалагічныя прадметы, 1/3 – гэта прадметы з розных галін філасофскіх, псіхалагічных, рэлігіязнаўчых і іншых навук.
Агульная колькасць акадэмічных гадзін складае: 749 гадзін.
У каледжы працуе: 36 выкладчыкаў: 10 дактароў навук, 2 кандыдатаў навук, 8 магітраў-ліцэнзіятаў тэалогіі, 16 магістраў тэалогіі.

Сёння Катэхетычны каледж у Баранавічах – гэта шматгранная пляцоўка для інтэлектуальнага, духоўнага і чалавечага фармавання кожнай жадаючай асобы. Тут кожны жадаючы можа атрымаць грунтоўную тэалагічную адукацыю, стаць спецыялістам у галіне катэхізацыі, хрысціянскага сямейнага кансультавання і супрацьдзеяння залежнасцям. Гэта месца сустрэчы чалавека з бясцэнным скарбам духоўнай і інтэлектуальнай спадчыны Каталіцкага Касцёла.
Катэхетычны каледж адчыняе дзверы!
Катэхетычны каледж імя Зыгмунта Лазінскага
Арганізацыя адукацыйнага працэсу
Навучанне ў каледжы працягваецца тры гады
(з верасня па чэрвень). Форма навучання завочная, заняткі праводзяцца ў суботу і нядзелю
два разы на месяц.

Адукацыя вядзецца па чатырох спецыялізацыях:
  • Катэхетыка
    Прадугледжаная для асоб, якія жадаюць пасля сканчэння ўстановы працаваць у парафіях у якасці катэхетаў. Дадаткова на гэтай спецыялізацыі можна атрымаць наступныя кваліфікацыі: арганізатар літургіі; арганізатар рэлігійнага турызму і адпачынку; супрацоўнік каталіцкіх СМІ;
  • Агульная тэалогія (без права выкладання катэхізіса)
    Прадугледжаная для людзей, якія жадаюць паглыбіць свае веру і веды, вывучаючы каталіцкае багаслоўе;
  • Сямейнае кансультаванне
    Прадугледжанае для тых, хто жадае на прафесійным узроўні дапамагаць душпастырам у вырашэнні розных духоўных і маральных праблем, звязаных з сужэнскім і сямейным жыццём вернікаў;
  • Кансультаванне ў галіне залежнасцей
    прадугледжанае для асоб, якія жадаюць прафесійна аказваць дапамогу душпастырам у вырашэнні розных духоўных і маральных праблем, звязаных з разнастайнымі залежнасцямі і сузалежнасцю вернікаў.
падрабязней
Дзякуючы аптымальна арганізаванай навучальнай дзейнасці і адданай працы высокакваліфікаваных выкладчыкаў навучэнцы маюць магчымасць атрымаць веды па розных дысцыплінах, прайсці духоўную фармацыю і развіць свае таленты.
Катэхетычны каледж імя Зыгмунта Лазінскага
Адрас:
вул. Т. Шаўчэнкі, 6, 225411
г. Баранавічы
Тэлефоны:
+375 (0163) 57-93-14
+375 (29) 513-57-92 (МТС)
Факс: +375 (0163) 57-93-07
Плён навучання ў катэхетычным каледжы