Пінская дыяцэзія
Рымска-каталіцкага Касцёла ў Рэспубліцы Беларусь
Абраз Маці Божай
Юравіцкай (Мазырскай)
У Мазыры ў галоўным алтары касцёле святога Міхала Арханёла захоўваецца копія цудоўнага абраза Маці Божай Юравіцкай, шанаванага і вядомага многія стагоддзі сярод католікаў далёка за межамі Палесся.
Гісторыя абраза Маці Божай Юравіцкай сягае XV ст. Паводле летапісаў, у XVII ст. шляхецкі род Канецпольскіх перадаў гэты абраз як сваю сямейную рэліквію на захаванне ў касцёл айцоў езуітаў у г. Бар (Украіна). У 1673 г. у Юравічах каля Мазыра стараннямі мясцовых католікаў быў пабудаваны драўляны касцёл, дзе пастрыскае служэнне ажыццяўлялі манахі Ордэна Езуітаў. Яны ж перавезлі старадаўні абраз з Бару спачатку ва Львоў, пасля – у Юравічы. Менавіта адсюль слава пра цудоўны абраз Маці Божай разышлася па ўсёй краіне. У 1726—1746 гг. замест драўлянага касцёла ў Юравічах быў пабудаваны мураваны, які пад апекай айцоў езуітаў стаў яшчэ больш знакамітым санктуарыем Багародзіцы.
У 1864 г. касцёл у Юравічах быў зачынены царскімі ўладамі. Пасля закрыцця святыні, у 1885 г. цудоўны абраз Маці Божай Юравіцкай быў перавезены ў Кракаў, дзе па сённяшні дзень захоўваецца ў езуіцкім касцёле святой Барбары. У касцёле ў Мазыры знаходзіцца дакладная копія гэтай выявы Багародзіцы, перад якой не спыняецца ўдзячная малітва вернікаў да Пана Бога праз заступніцтва Найсвяйцейшай Панны Марыі Юравіцкай.
Гісторыя абраза Маці Божай Юравіцкай сягае XV ст. Паводле летапісаў, у XVII ст. шляхецкі род Канецпольскіх перадаў гэты абраз як сваю сямейную рэліквію на захаванне ў касцёл айцоў езуітаў у г. Бар (Украіна). У 1673 г. у Юравічах каля Мазыра стараннямі мясцовых католікаў быў пабудаваны драўляны касцёл, дзе пастрыскае служэнне ажыццяўлялі манахі Ордэна Езуітаў. Яны ж перавезлі старадаўні абраз з Бару спачатку ва Львоў, пасля – у Юравічы. Менавіта адсюль слава пра цудоўны абраз Маці Божай разышлася па ўсёй краіне. У 1726—1746 гг. замест драўлянага касцёла ў Юравічах быў пабудаваны мураваны, які пад апекай айцоў езуітаў стаў яшчэ больш знакамітым санктуарыем Багародзіцы.
У 1864 г. касцёл у Юравічах быў зачынены царскімі ўладамі. Пасля закрыцця святыні, у 1885 г. цудоўны абраз Маці Божай Юравіцкай быў перавезены ў Кракаў, дзе па сённяшні дзень захоўваецца ў езуіцкім касцёле святой Барбары. У касцёле ў Мазыры знаходзіцца дакладная копія гэтай выявы Багародзіцы, перад якой не спыняецца ўдзячная малітва вернікаў да Пана Бога праз заступніцтва Найсвяйцейшай Панны Марыі Юравіцкай.
Фэст Маці Божай Юравіцкай у Мазыры адзначаецца 12 верасня ў свята Імя Найсвяцейшай Панны Марыі.
РАІМ ПАЧЫТАЦЬ